ROXAS CITY – Nag-angkon sang menor nga kapilasan sa lawas ang 15 sa 26 ka mga pasahero sang Ceres bus, matapos nga dumiretso ini sa uyapad sa Sitio Quiabog, Brgy. Loctugan, Roxas City.
Sandig sa impormasyon nga nakuha sang Bombo Radyo sa driver sang bus nga ginkilala kay Gerard Gelito, 43-anyos sang Brgy. Marita, banwa sang Pres. Roxas, suno diri nga naalang-alangan ini sa gulpi naglusot nga Crosswind nga salakyan, samtang ginasubay ang amu nga dalan, rason nga dumiretso ang bus sa uyapad.
Gilayon man nga nagpadulong ang mga katapo sang responders kag ginpangdapatan sang pauna nga pagbulong ang mga nagkalapilasan antes ginpadangdala sa magkatuhay nga ospital.
Wala man nag-angkon sang kapilasan ang driver sang nasambit nga bus, kag nagapadayon ang imbestigasyon sang mga kapulisan angut sa insidente.
