26 ka sachets sang ginapatihan shabu nakuha sa duha ka persona, matapos ang ginkasa nga drug buybust operation

LOCTUGAN ROXAS CITY – Naglab-ot sa 26 ka mga sachets sang ginapatihan shabu ang nakuha sa posesyon sang duha ka mga persona, matapos ang ginkasa nga drug buybust operation sa Barangay Loctugan, Roxas City.

Ginkilala ang nagkaladakpan nga sanday Paul John Colasino, 42-anyos kag isa ka minor de edad nga ginkilala kay alyas toto nga lunsay residente sang Barangay Cabug-cabug, President Roxas.

Sa inisyal nga impormasyon nga nakuha sang Bombo Radyo nagikan sa lugar, ginpahayag nga nakuha sa mga ini ang isa ka calibre .45 pistol kag lima ka mga bala.

Mahibaluan nga naglab-ot sa kapin P1-M ang balor sang droga nga nakuha sa nasambit nga mga persona.