27-anyos nga lalaki, arestado sa banwa sang Dumalag sa kaso nga Cyber Libel

ROXAS CITY – Arestado ang isa ka 27-anyos nga lalaki matapos ginserbihan sang warrant of arrest sang mga kapulisan sa Brgy. Poblacion banwa sang Dumalag sa kaso nga Cyber Libel.

Ginkilala ang arestado kay Princy Viernesto Balasote, residente sang nasambit nga barangay.

Ang warrant of arrest ang ginpapanaog kag ginpirmahan ni Hon. Judge Rommel Leonor sang RTC 6 Judicial Region, Branch 21 Mambusao, Capiz na petsahan Marso 17, 2022.

Wala ginsambit kun pila ang pyansa nga ginpapanaog sang korte para sa iya temporaryo nga kahilwayan. Sa karun, nagapabilin sa karsel sang Dumalag PNP ang nasambit nga arestado para sa nagakaigo nga disposisyon.