-- ADVERTISEMENT --
ROXAS CITY – Nagapabilin sa karsel sang Dumalag Municipal Police Station ang isa ka lalaki matapos nga ginserbihan sang warrant of arrest sang mga kapulisan sa Barangay San Martin, Dumalag, Capiz.
Ginkilala ang arestado nga si Raquim Garbosa, 27 anyos sang nasambit nga lugar.
Nagapangatubang ang arestado sang panumbungon nga Attempted Homicide nga may yara sang ginrekomendar nga piyansa ang korte nga P36,000.
Ang amo nga warrant of arrest ang gin-isyu kag ginpirmahan ni Honorable Judge Dioane Palao-Legazpi, Assisting Judge sang Municipal Circuit Trial Court Dasmariñas, Cavite nga ginpetsahan sadtong Marso 19 tuig 2019.
Sa karon, nagapabilin sa karsel sang Dumalag Municipal Police Station ang nasambit nga arestado.
-- ADVERTISEMENT --
