-- ADVERTISEMENT --
ROXAS CITY-Patay ang 27-anyos nga lalaki matapos nga ginaalegar nakuryente sa Barangay Ongol Ilawod, Dumarao Capiz.
Ginkilala ang biktima nga si Eric Beramida residente sang nasambit nga lugar.
Sandig sa imbestigasyon sang Dumarao Municipal Police Station nga nakita na lamang ang biktima sang kaingod balay sini nga si Nora Pirote nga naga huray-ad sa ulumhan nga nagasablay sa kable sang kuryente kag wala na sang kabuhi.
Gilayon naman nga ginpalab-ot sa talatapan sang Capiz Electric Cooperative ukon CAPELCO ang natabo.
Gindala naman ang biktima sa Dao District Hospital apang gindeklarar nga dead on arrival.
-- ADVERTISEMENT --
