ROXAS CITY – Karsel ang gindangatan sang 27-anyos nga katapo sang LGBTQ+ member matapos nga ginaalegar tuyo kawatan ang isa ka balay sa Barangay 10, Roxas City.
Ginpakamaayo ni Richard Buñi, 63-anyos sang nasambit nga lugar nga i-turn-over sa Roxas City Police Station si Alyas Daday sang Bayot Drive, Barangay IX sining siyudad matapos nga nadakpan niya ini sa ila garahe nga naga libot-libot kag tuyo nga buksan ang ila salakyan.
Suno naman kay Alyas “Daday” nga mamangkot lamang ini kuntani sang ngalan sang tag-iya sang balay.
Bangud sa makaduluda nga hulag ni alyas “Daday” ginpakamaayo na lamang ni Buñi nga dal-on sa kustodiya sang Roxas City Police Station ang nasambit nga persona.
Matandaan nga nakaagi na ini preso sa karsel sang una kag imbulbado man sa pagduso sang iligal nga droga.
