ROXAS CITY – Nagparekord sa Roxas City Police Station ang isa ka 27-anyos nga persona matapos nga ginaalegar may yara sang isa ka persona nga nagatuga sang kinagamo sa Barangay Dayao, Roxas City.
Ginkilala ang tagreklamo nga si Levin John Palomo sang nasambit nga lugar.
Sandig sa ginpabalhag sang tagreklamo nga nag-angkon sang pagbinaisay sa tunga sang suspek nga si Elmer Bensurto 20-anyos kag sang iya pakaisa nga si alyas Michael sa guwa.
Bangud diril, ginpakamaayo sang amay ni alyas Michael nga si alyas Anthony nga pasudlon na lamang ang duha sa ila balay.
Apang ang nasambit nga suspek wala nagsunod sa iya nga tiyo bangud yara ini sa idalom sang impluwensya sang makahulubog nga ilimnon sa diin nagsinggitan pa ini sa guwa sang ila balay rason nga nagbugtaw na lamang ang lapsag sang nasambit nga tagreklamo.
Bangud diri, gilayon sini ginreport sa mga barangay officials rason nga ginpakamaayo na lamang nila nga dal-on sa pulisya ang nasambit nga suspek para sa nagakaigo nga disposisyon.
