ROXAS CITY – Magapaidalum sa counselling ang 27 ka mga estudyante sang Milibili National High School kasunod sang insidente nga paglaslas sang mga ini sa ila kamot.
Sa interview sang Bombo Radyo kay Ma.Luisa Lagaña, Principal 3 sang nasambit nga eskwela, ginpahayag sini nga matapos naglapta ang balita nga paglaslas sang mga estudyante isa isa sila nga ginpatawag sang guidance teacher kag ginpamangkot kun ano ang rason nga nahimo nila nga sakiton ang kaugalingon.
Sa pagpakig-estorya sang guidance teacher nga si Shane Esquillo ginpahayag sa iya sang mga bata nga trip lamang nila ang ginhimo nga paglaslas sang ila kamot bangud kasubong nga nakabatyag sila sang satisfaction kag ginapost sa Facebook.
Suno naman sa iban nga estudyante nahimo lamang nila ini bangud ini lamang ang pamaagi agud ila mapaguwa ang kalain sang buot sa ila mga ginikanan.
