Yara na sa 39.58% ukon 27,181 ka mga kabataan ang nabakunahan sang Measles-Rubella vaccine sa probinsya sang Capiz.
Sa interview sang Bombo Radyo kay Joeffrey Espiritu, Public Information Officer sang DOH-Capiz, iya ginpahayag nga padayon ang kampanya sang ahensya agud malab-ot ang target nga masobra 68,000 ka mga kabataan nga dapat mabakunahan.
Suno kay Espiritu, prayoridad sang health office nga mabakunahan ang tanan nga eligible children, partikular ang mga kabataan nga nagaedad 6 tubtob 59 ka bulan.
Dugang pa sang natungdan nga padayon ang pagpakig-angot sang Provincial Health Office sa nagkalain-lain nga partners kag local stakeholders agud mapabaskog pa ang vaccination campaign kag malab-ot ang mas madamo nga kabataan sa mga komunidad.
Nahibaluan nga ang Measles-Rubella Supplemental Immunization Activity nagsugod sang Agosto 10 kag magatakop sa Agosto 28, 2026.
