ROXAS CITY – Pilason ang 28-anyos nga babaye matapos ginluthang sa banwa sang Pilar takna alas 8:40 sang aga sa Sitio Kan-on Barangay Natividad, Pilar, Capiz kahapon Agosto 14, 2023.
Ginkilala ang biktima kay Aika Bagona samtang ang ginapahayag suspek ang ginkilala kay Roy Borgonia 34-anyos mangingisda lunsay mga residente sang nasambit nga lugar.
Mahibaluan nga takna alas 3:30 sang hapon sang nasambit nga petsa natigayon nga madakpan ang suspek sa Barangay Manayupit Maayon, Capiz.
Wala pag-intindihanay ang ginalantaw nga motibo sang nagluntad nga insidente.
Sa karun yara na sa paghinakop sang Pilar Municipal Police Station, ang nasambit nga ginapahayag suspek para sa nagakaigo nga disposisyon.
Samtang, padayon pa nga ginabulong ang biktima sa isa ka ospital.
