28-anyos nga driver sang motorsiklo pilason matapos nga ginaalegar natumba sa Rotonda Fountain, Roxas City Public Plaza

ROXAS CITY – Pilason ang isa ka 28-anyos nga driver sang motorsiklo matapos nga ginaalegar natumba sa Rotonda Fountain, Roxas City Public Plaza.

Ginkilala ang biktima nga si Mark Anthony Degala sang Barangay Lawaan, sining siyudad.

Base sa inisyal nga imbestigasyon sang Roxas City Police Station nga samtang ginasubay sang nasambit nga persona ang dalanon naggikan sa Roxas Avenue Bridge padulong sa city proper sang hinali na lamang ini nga nadulaan sang kontrol sa pagmaneho rason nga natumba ini sa nasambit nga fountain.

Nahibaluan nga yara sa idalom sang impluwensya sang makahulubog nga ilimnon si Degala.

Bangud diri, nag-angkon sang pilas sa lawas ang biktima nga gilayon naman gindala sa ospital agud dapatan sang nagakaigo nga pagbulong.