28-anyos nga lalaki arestado sa kaso nga Serious Physical Injury sa banwa sang Maayon, Capiz

ROXAS CITY – Arestado ang 28-anyos nga lalaki matapos nga ginserbehan sang Warrant of Arrest sang mga kapulisan sa Barangay Batabat, Maayon, Capiz.

Ginkilala ang arestado nga si Jobert Borda sang nasambit nga lugar.

Kaso nga Serious Physical Injury ang ginapangatubang sang nasambit nga akusado.

Ang warrant of arrest ginpapanaog ni Hon. Cynthia Del Castillo sadtong Hulyo 24, 2020.

Ginrekomendar naman sang korte ang P36,000 nga piyansa para sa temporaryo ng kahilwayan sang nasambit nga akusado.