28 anyos nga lalaki, nasamaran sa agtang matapos ginbakbakan sang tako sang iya abyan

ROXAS CITY – Nasamaran sa agtang ang 28 anyos nga lalaki matapos nga ginbakbakan sang tako sang iya man nga abyan sa Barangay Tiza, Roxas City.

Ang biktima ang ginkilala nga si Michael Gardose, 28 anyos samtang ang ginatudlo suspek ang ginkilala nga si alyas Efren.

Base sa alegasyon sang biktima, nagahampang sila sa isa ka bilyaran kaupod ang suspek kag diri sila nagsuyaay.

Bangud sa ila mainit nga diskusyon, hinali na lamang nga ginbakbakan sang suspek sang tako ang ulo sang biktima.

Ginpakamaayo na lamang sang biktima nga iparekord sa pulisya ang natabo kag sa ulihi, ginpasaylo na lamang sini ang iya nga abyan.