-- ADVERTISEMENT --
ROXAS CITY – Pilason nga ginpadangat sa Roxas Memorial Provincial Hospital ang 28 anyos nga lalaki matapos nga ginbuno sa Barangay Culasi, Roxas City.
Ginkilala ang biktima nga si Ronel Basas, residente sang nasambit man nga lugar.
Sandig sa inisyal nga impormasyon nga nakuha sang Bombo Radyo, nagbakal lamang sa isa ka tiyangge ang biktima sang ginpalapitan sang suspek nga si alyas Naknak kag ginbuno.
Nag-angkon sang pilas sa kamot kag natuo nga porsyon sang tiyan ang biktima nga gilayon gindala sa ospital agud madapatan sang nagakaigo nga pagbulong.
Sa karon, nakahunon na sa karsel sang Roxas City PNP ang suspek.
-- ADVERTISEMENT --
