28-anyos nga mister arestado matapos nga nagmaoy kag ginmulay ang mga barangay officials sa Barangay Punta Tabuc, Roxas City

ROXAS CITY-Ginhunong sa karsel ang 28-anyos nga mister matapos nga ginaalegar nga nagmaoy kag ginmulay ang mga barangay officials sa Barangay Punta Tabuc, Roxas City.

Ginkilala ang arestado nga si Rodney Dela Cruz, residente sang nasambit nga lugar.

Sandig sa ginpabalhag ni Kagawad Darwin Bunda nga ginsablaw sang mga barangay tanod si Dela Cruz matapos nga nagapatunog sang videoke machine sa tunga sang kagab-ihon.

Sa baylo nga magsunod, ginkaakig ini ni Dela Cruz kun sa diin hinali nga nagmaoy ang nasambit nga persona.

Ginaalegar pa ni Bunda nga ginmulay ini sila ni Dela Cruz rasun nga ginpakamaayo nga i-sulod sa karsel ang nasambit nga persona.