ILO-ILO – Dakop ang 28-anyos nga persona sa ginkasa nga drug buybust operation sang mga katapo sang Iloilo Police Provincial Office (IPPO) kag Provincial Drug Enforcement Unit (PDEU) kag Balasan PNP sa Barangay Camambugan, Balasan, Iloilo.
Ginkilala ang nadakpan kay Khasmar Bacarro, 28-anyos sang Barangay Molocloc Norte, Ivisan, Capiz.
Narekober sa posisyon sang arestado ang isa ka sachets sang ginapatihan nga shabu kag 13 ka plastic sachets sang ginapatihan shabu nga nagabalor sang P60,000; P30,100 nga buybust money, isa ka pouch kag motorsiklo.
Sa karon, yara na sa kustodiya sang Balasan PNP ang suspek para sa nagakaigonga disposisyon.
Samtang, natalana naman nga pasakaan sang panumbungon nga paglapas sa RA 9165 ukon Comprehensive Dangerous Drugs Act of 2002 ang suspek.
