-- ADVERTISEMENT --
ROXAS CITY – Dakop ang isa ka 29-anyos nga persona sa ginpatigayon nga entrapment operation sang mga katapo sang Criminal Investigation and Detection Group ukon CIDG Capiz sa Barangay 8, Roxas City.
Ginkilala ang nadakpan nga si Jessie Jardin sang Barangay Lublub, Dumangas, Iloilo.
Narekober naman sa possesion kag kustodiya sang suspek ang isa ka unit sang pistolized shotgun, isa ka live ammo sang 12 gauge shotgun, P900 nga boodle money kag P100 nga marked money.
Magapangatubang naman ang suspek sa panumbungon nga paglapas sa RA 10591 ukon Comprehensive Law on Firearms and Ammunition.
Sa karon, yara na sa kustodiya sang CIDG Capiz ang suspek para sa nagakaigo nga disposisyon.
-- ADVERTISEMENT --
