ROXAS CITY – Napasakaan na sang kaso nga paglapas sa Republic Act 9165 ukon Comprehensive Dangerous Drugs Act of 2002 ang isa ka babayi matapos madakpan nga nagaduso sang illegal nga droga sa Barangay Cabugao Este, Panay, Capiz.
Matandaan nga gin-arestado ang 29-anyos nga si alyas “angel” sa ginkasa nga drug buybust operation sang mga kapulisan sa amo nga lugar
Natigayon nga naaresto si alyas “Angel” pinaagi sa isa ka pulis nga nagpakuno-kuno nga poseur buyer kag nabaklan sang 1 ka sachet sang ginapatihan shabu sa baylo sang P1,500.
Narekober sa posesyon sini ang 2 ka sachet sang ginapatihan shabu, buybust money kag sling bag nagaduag pink.
Sa karon, nagapabilin sa kustodiya sang Panay Municipal Police Station si alyas angel para sa nagakaigo nga disposisyon.
