29-anyos nga construction worker ginpakustodiya sa Roxas City PNP matapos nga nagtuga sang kinagamo

ROXAS CITY – Gindala sa Roxas City Police Station ang isa ka 29-anyos nga construction worker matapos nga nagatuga sang kinagamo kag nagapamahog sa Barangay Gabuan, Roxas City.

Ginkilala ang suspek nga si Arman Amilliam 29-anyos sang nasambit nga lugar.

Base sa inisyal nga imbestigasyon sang Roxas City Police Station nga ginaalegar nagatuga ini sang kinagamo ang suspek kun sa diin may yara ini sang ginahupot nga armas luthang kag ginapahog ang iya mga himata nga patyon.

Bangud diri, ginpakamaayo na lamang nga ipakustodiya sang iya apat ka mga himata sini nga sanday Liezel Afloro, Meldred Gaindoc, Emy Robles kag Charmie Alingayo ang suspek sa Roxas City Police Station para sa nagakaigo nga disposisyon.