ROXAS CITY – Pilason nga gindala sa Roxas Memorial Provincial Hospital ang isa ka 29 anyos nga lalaki matapos nga nagbunggo ang ginamaneho nga motorsiklo sa isa ka salakyan sa Barangay Baybay, Roxas City.
Ginkilala ang driver sang motorsiklo nga si Jefte Nacita, 29 anyos sang Sitio Hirupay, Barangay Baybay sining syudad.
Base sa inisyal nga imbestigasyon sang Roxas City Police Station nga samtang ginamaneho ni Jose Taz Lasola, 41 anyos kag sang Arnaldo Boulevard, Barangay Baybay sining syudad ang iya salakyan sang aksidente nga nagbunggo ang motorsiklo ni Nacita.
Bangud diri, natumba ang motorsiklo rason nga nag-angkon sang mga pilas sa lawas si Nacita
Gilayon naman nga nagresponde ang Capiz Emergency Response Team kag gindapatan sang first aid ang amo nga driver sang motorsiklo kag gindala sa ospital para dapatan sang nagakaigo nga pagbulong.
