290 gas stations sa pungsod, nagsirado na

Yara na sa 290 ka gasolinahan ang temporaryo nga nagsirado halin sa masobra 14,500 ka mga gas stations sa bilog nga pungsod, base sa datos sang Philippine National Police (PNP) as of April 26.

Ini kasunod man sa pagtaas sang presyo sang mga produktong petrolyo nga nag-umpisa sang naglala ang tensyon sa Middle East.

Suno sa PNP, may yara man san natukiban nga ilegal nga mga aktibidad kaangay sang unauthorized storage kag pagpangawat sang gatong.

Sa amo nga operasyon, 77 ka mga suspetsado ang natigayon nga ma-identify kag padayon pa ang imbestigasyon.

Ginpasiguro sang mga otoridad nga magapadayun ang ila monitoring kag operasyon agud maprotektahan ang mga consumer nga insakto ang pagnegosyo sa sektor sang petrolyo.