Maga-arangkada na ang 2nd Coach Nic Jorge 3×3 Cup sa duha ka probinsya bwas nga adlaw sang Sabado Oktobre 5, 2024 kung sa diin magasugod sa Pangasinan kag Pampanga ang developmental league nga ginorganisa sang pamilya Jorge kag team sini sa likod sang pioneering Basketball Efficiency and Scientific Training Center (BEST) Center.
Kalakip sa mga magapasakop amu ang Lucena, Iriga, Baguio, Pagadian, Roxas, Cagayan de Oro, Bukidnon, Iligan, Iloilo, Bacolod, Zamboanga, Ozamis, Dipolog, Antique kag ang National Capital Region, kung sa diin ipakigbato ang mga tropeo sa kategorya sang edad 12-Under, 14-Under, 16-Under, 18-Under, kag 19- Under (women’s division).
Ang mga lokal nga mangin madinalag-on ang magapaidalum sa isa ka regional tournament para sa mga nagahulat nga titulo sa Luzon.
Mahibaluan nga ang nasambit nga torneo ang ginpatigayon bilang pagkilala kay anay national coach Nicanor Fortich Jorge para sa iya mga nangin kontribusyon sa pambansang grassroots basketball development.
Nagserbi si Jorge bilang secretary-general sang Basketball Association of the Philippines (BAP) antes natukod ang Samahang Basketbol ng Pilipines (SBP), kung sa diin nagserbi nga co-founder si Jorge.
Gintukod sini ang BEST Center sadtong 1978, nga nangin giya para sa basketball kag volleyball clinics nga pagahiwaton naman sa pungsod.
Ang BEST Center isa ka Olympism Awardee sang Philippine Olympic Committee (POC) kag isa ka Hall-of-Fame winner sa Philippine Sportswriters Association (PSA).
