ROXAS CITY – Dakop ang tatlo ka mga persona sa ginpatigayon nga drug buy bust operation sang gintingub nga pwersa sang Provincial Drug Enforcement Unit (PDEU) sang Capiz Police Provincial Office, Philippine Drug Enforcement Agency (PDEA-Capiz) sa Barangay 7, Roxas City.
Ginkilala ang mga arestado nga sanday Stephen Salvador 36-anyos, Alvino Aberiles 56-anyos kag Ranson Salvador 30-anyos lunsay mga residente sang nasambit nga lugar.
Narekober sa posesyon sang mga suspek ang isa ka sachet sang shabu, duha ka unit sang cellphone, 1,000 pesos nga marked money kag mga drug paraphernalia. Magapangatubang naman sa panumbungon nga paglapas sa Republic Act 9165 ukon Comprehensive Dangerous Drugs Act of 2002 ang mga arestado.
Sa karon, nakahunong na sa karsel sang Roxas City PNP ang mga suspek.
