ROXAS CITY – Natalana nga iturn-over sa Firearms Explosives Security Agencies and Guard Supervision (FESAGS) sang Capiz Police Provincial Office ang tatlo ka mga armas-luthang nga ginsungka sa magkatuhay nga mga municipal police stations sa probinsiya sang Capiz.
Una diri, ginsungka ni Rodolfo Martinez sa Mambusao Municipal Police Station ang isa ka 9mm. pistol nga may magazine apang wala sang bala para sa nagakaigo nga disposisyon.
Personal man nga nagpadulong sa Maayon Municipal Police Station si Punong Barangay Ricky Aurelia agud itugyan ang ginsungka sang isa ka residente nga 12 gauge home made shotgun nga wala sang bala.
Samtang, personal man nga gindala ni Punong Barangay Rolindo Desales sa Dumarao Municipal Police Station ang ginsungka sa iya nga .38 calibre nga armas sang isa ka residente.
Ang pagsungka sang mga indi lisensiyado kag paltik nga armas-luthang ang kasunod sang masangkaron nga kampanya kontra ginadumilian nga pusil sang hanay sang pulisya.
