Napilitan nga kanselahon sang organizer ang tatlo nga concert ni American pop star Taylor Swift sa Austria bangud sa pamahog sang terorismo.
Nakatalana kun tani nga magpatigayon sang tatlo ka gab-i nga concert si Swift subong nga Agosto 8 tubtob 10 sa Ernst Happel Stadium, Austria.
Dugang pa sang organziers nga may kumpirmasyon ang gobyerno sang Austria angut sa terror attack kag wala na sila sang mahimo kundi kanselahon ang concerts para sa kaluwasan sang tanan.
Gionsiguro nila nga mabalik ang bayad sang tanan nga mga nakababakal sang tickets.
Una sini may duwa ka suspek nga naaresto ang mga kapulisan sang Austria nga pareho mga sympathizer sang Islamic States.
Nakuha sa balay sang 19-anyos nga suspek ang pila ka mga chemical substance nga mahimo nga gamiton sa terorismo.
