Hugot nga ginamonitor ni Presidente Ferdinand Marcos Jr., ang ginapatigayon nga rally subong nga adlaw.
Suno kay Presidential Communications Office (PCO) Secretary Dave Gomez, yara sa sulod sang Malakanyang si Presidente Marcos kag ginamonitor ang rally sang Iglesia ni Cristo (INC).
Wala na naghatag pa sang dugang nga detalye si Secretary Gomez.
Sa subong, naka-alerto ang security sector bangud sa report nga posible may magpang-sabotahe sa peaceful rally sang INC.
Hugot man ang seguridad nga ginapatuman sang Presidential Security Command (PSC) sa sulod kag gwa sang Malakanyang.
Padayon naman nga nagapanawagan ang gobyerno sa publiko nga mangin kalmado bangud may mga tikang na para mapasabat ang mga yara sa likod sang maanomaliya nga flood control projects.
