ROXAS CITY – Pilason ang tatlo ka mga estudyante sang Cawayan National Highschool matapos nasideswiped sang elf truck sa Barangay Abong, Carles, Iloilo.
Padayon nga ginabulong sa ospital ang mga biktima nga sanday Jenry Tungala, certain Victor kag John Cedric delos Reyes matapos nag-angkon sang pilas sa pila ka parte sang lawas.
Sa interview sang Bombo Radyo Roxas kay PO2 Alexis Bataga, traffic investigator sang Carles Municipal Police Station, ginpahayag sini nga nagaguwa sa imbestigasyon sang pulis nga nag-overtake ang ginamaneho nga motorsiklo sang mga biktima sa isa ka dump truck, apang wala sini nakita ang masugata nga elf truck nga ginamaneho ni Ronel Oliva 36-anyos.
Bangud sa impact nagtabog ang mga biktima rason nga nabali ang ila nga lawas.
Sa karon nakahunong na sa Carles Municipal Police Station ang driver sang elf truck.
