3 indibidwal gin-aresto matapos nadakpan sa aktor nga nagahampang sang ‘tong-its’ sa Panay

PANAY, CAPIZ – Dakop ang tatlo ka mga indibidwal nga nagapatigayon sang ilegal nga sugal sa Barangay Anhawon, Panay, Capiz.

Ginkilala ang mga nadakpan nga sanday Arturo Bernales, 56 anyos; Gelly Besana, 50 anyos, lunsay residente sang nasambit nga lugar kag Richard Vista, 45 anyos, residente sang Barangay Cogon, sang nasambit man nga banwa.

Ginapahayag nga ginpangdakop ang nasambit nga mga persona sang katapo sang Panay Municipal Police Station matapos naaktuhan nga nagahampang sang ‘tong-its’.

Narekober sa mga ini ang isa ka set sang baraha kag kwarta nga nagalab-ot sa P359.

Ang mga nadakpan ang magapangatubang sa panumbungon nga paglapas sa Presidential Decree 1602 ukon Illegal Gambling.