ROXAS CITY – Nag-angkon sang pagpalanakit sa kalawasan ang 3 ka mga indibidwal kalakip na ang isa ka menor de edad matapos nga ginaalegar ginbanggaan kag ginkastigo sang mag-amay sa Barangay Talon, Roxas City.
Ginkilala ang mga tagreklamo nga sanday Herlou Java 26-anyos sang amo nga lugar, Ronel Asuncion kag isa ka 17-anyos nga lunsay mga residente sang Barangay Milibili sining siyudad.
Base sa inisyal nga imbestigasyon sang Roxas City PNP nga samtang nagalakat sa dalanon ang tatlo sang ginaalegar nga ginbanggaan kag ginkastigo ang mga ini sa wala matumod nga rason sang mag-amay nga Virgilio Layson 44-anyos kag Bryan Layson 19-anyos nga lunsay mga residente naman sang Barangay Talon sining siyudad.
Bangud diri, nag-angkon sang pagpalanakit sa kalawasan ang tatlo ka mga tagreklamo rason nga ginpakamaayo na lamang sang mga ini nga iparekord sa pulisya ang natabo.
