ROXAS CITY – Na-rescue sang mga katapu sang Bureau of Fire Protection – Roxas City Lawaan Sub-Station ang tatlo ka mga grass owls ukon ningning sa Barangay Sibaguan, Roxas City.
Ini ang ginpahayag ni Chief Arson Investigator Senior Fire Officer 2 Marlon Garbo sang mainterview sang Bombo Radyo.
Suno kay Garbo, na-rescue ang tatlo ka mga ningning sa ila nga pagresponde sa nagluntad nga grassfire sa Pueblo de Panay, sa nasambit nga barangay.
Lima ka ningning suno kay Garbo ang ila nga nakit-an apang tatlo lamang ka ningning ang ila na-rescue bangud ang duha ang madasig nga nagpadulong sa kakugnan nga ginatupok sang kalayo.
Natalana nga iturn-over ang nasambit nga mga ningning sa pamunuan sang Department of Environment and Natural Resources (DENR) para sa nagakaigo nga disposisyon.
3 ka grass owl ukon ningning, na-rescue sang mga bombero sa ginrespondehan nga grassfire incident
-- ADVERTISEMENT --
