3 ka hubog nga mga lalaki nga nalabayan sang mga pulis nga nagasumbaganay ginpatulog sa karsel

ROXAS CITY –  Ginpatulog sa karsel sang pulisya sa syudad sang Roxas ang tatlo ka persona nga nalabayan sang naga-roving nga patrol nga nagasumbaganay sa Mckinley St., Barangay 1, Roxas City kagab-i.

Ginkilala ang mga nagasumbaganay nga sanday Ronald Hari-on 29-anyos, Rey Biba 27-anyos mga residente sang Barangay 1 kag Romeo Alolor 19-anyos sang Barangay Milibili, Roxas City.

Ba-se sa report nga samtang naga-roving ang mga kapulisan kagab-I, ila nalabayan ang tatlo nga nagasumbaganay sa dalan Mckinley.

Gilayon sila nga gindala sa Roxas City PNP agud temporaryo nga i-kostodiya.

Samtang nahibaluan nga yara sa impluwensiya sang makahulubog nga ilimnon ang tatlo sang nagluntad ang insedente.