ROXAS CITY – Ginaalegar gingamit ang pangalan ni Roxas City Mayor Angel Alan Celino agud makaganyat sa mga investors nga mag-invest sang kwarta sa kontrobersiyal sa karon nga FOREX investment scheme.
Suno sa wala na ginhingadlan nga investor, isa ang pangalan sang nasambit nga alkalde sa rason kun ngaman naganyat siya nga mag-invest sang daku nga kantidad sang kwarta.
Ginpahayag sini nga nakumbinsi siya ni Gerlinski Bravo, isa sa mga leader sang FOREX investment scheme ‘queen’ nga si Lourdes Baarde, bangud ginhambal sini nga mangin ang alkalde ang yara sa iya nga downline.
Apang sang napakig-angutan sang Bombo Radyo Roxas, hugot ini nga ginpanginwala ni Celino.
Ginpahayag sang alkalde nga posible gingamit lamang ang iya nga pangalan agud maganyat ang mga investors nga mag-intra kag mag-invest sang kwarta sa amo nga investment scheme.
