PANAY CAPIZ – Dakop ang tatlo tanan ka mga indibidwal nga nagapatigayon sang illegal nga pagpangisda ukon (“TRAWL”) sa kalalawran nga sakop sang Panay Capiz.
Ginkilala ang mga nagkaladakpan nga sanday Alvin Baliguat, Boat Captain, 39-anyos, kag mga crew sini nga sanday Jovel Baliguat, 34-anyos, Joseph Dela Cruz, 34-anyos lunsay mga residente sang Barangay Casanayan, Pilar, Capiz.
Nakuha sa posesyon sang mga nagkaladakpan ang (1) unit pump boat nagabalor P100,000.00, (1) unit Trio Diesel Engine nagabalor P30,000.00, lambat nagabalor P200,000.00 kag mas o menus (20) kilos sang nagkalain-lain nga isda nga may market value P4,000.00.
Kaso nga paglapas sa Municipal Ordinance No. 03-02, Series of 2003, ang paga-atubangon sang mga nagkaladakpan.
Sa karun, nagapabilin ang mga ini sa kustodiya sang MENRO-LGU Panay subong man ang mga kagamitan nga nakuha para sa nagakaigo nga disposisyon.
