ROXAS CITY – Pilason ang tatlo ka mga persona sa nagluntad nga aksidente sa Barangay Sibaguan, Roxas City.
Ginkilala ang mga biktima nga sanday Mabini Bajada kag Jessie Ordines nga lunsay mga residente sang Barangay Sibaguan kag Rex Elito 31-anyos sang Barangay Dinginan sining siyudad.
Base sa inisyal nga imbestigasyon sang Roxas City PNP nga samtang ginasubay sang driver nga si Elito ang nasambit nga dalanon sakay sa iya motorsiklo sang ginaalegar ginbungguan sini ang duha ka mga biktima nga sanday Bajada kag Ordines.
Bangud diri, natumba ang motorsiklo kag tumampilak sa dalan ang amo nga driver rason nga nag-angkon ini sang pilas sa lawas subongman ang duha ka biktima.
Nahibaluan nga lunsay yara sa idalom sang impluwensya sang makahulubog nga ilimnon ang tatlo sang nagluntad ang aksidente.
Gilayon naman nga ginrespondehan sang mga katapo sang Capiz Emergency Response Team ukon CERT ang tatlo agud dapatan sang nagakaigo nga pagbulong.
Padayon naman ang traffic section sang Roxas Citiy Police Station sa nagluntad nga aksidente.
