-- ADVERTISEMENT --
ROXAS CITY – Dakup ang tatlo ka mga mangingisda matapos nga maaktuhan nga nagapatigayon sang illegal nga pagpangisda sa baybayon sa banwa sang Panay, Capiz.
Ginkilala ang mga naaresto nga sanday Edwin Contanstino, 26-anyos sang Barangay Butongon, Iloilo, (boat captain) , Juddie Sarabia, 32-anyos kag Jeric Dellomos, 28-anyos nga lunsay mga residente sang Barangay Poblacion Gua, Carles Iloilo.
Narekober naman sa mga naaresto ang isa ka sakayan pandagat, timeng (crabs traps) nga 189 kabilog, 30 kilos nga kasag kag assorted fish.
Gilayon naman ginrefer sa MENRO-panay ang amo mga persona para sa nagakaigo nga disposisyon.
