ROXAS CITY – Gintugyan sa kostodiya sang crisis center ang tatlo ka menor de edad nga ginaalegar nagpangawat sang kabilya sa gina-construct nga mall sa Arnaldo Boulevard, sining syudad.
Ba-se sa impormasyon nga naglisensiya ang mga kabataan nga naga-edad sang 14, 15 kag 17 sa security guard nga magapangayo sang sobra nga mga kabilya para mabaligya sa scrap.
Ginpasulod sila sang sekyu kag ginpabitbit sang kabilya pakadto sa opisina kag ginkuhaan sang laragway.
Ginkakibot sang mga menor de edad sang gindala sila sa Roxas City PNP sa diin nag-alegar ang sekyu nga nagpangawat ang mga kabataan sang kabilya nga nagabug-at sang 20 kilos.
Hugot naman ang pagdepensa sang mga kabataan nga wala sila nagpangawat kag nakasulod lamang matapos nga ginpasulod sila sang sekyu.
