-- ADVERTISEMENT --
ROXAS CITY – Tatlo ka mga construction workers ang nagreklamo sa istasyon sang pulisya sa syudad sang Roxas matapos nga ginkawatan sa sulod sang ila barracks sa Barangay Mongpong.
Ginkilala ang mga tagreklamo nga sanday Kerby See, Marjun Abangay kag Regie Narld lunsay mga residente sang Jaro, Iloilo.
Ginpahayag sang mga biktima nga mahamuok ang ila katulugon kagab-I bangud sa matugnaw nga panahon kag wala nila madiparahan nga ginsulod sang kawatan kag ginkuha ang duha ka cellphones kag gin-utod pa ang wiring sang motorsiklo nga tuyo man carnapon, apang sa maayo nga palad wala ini madala.
Nahibaluan nga pito na ka bulan nga nagatrabaho sa ginapatindog nga balay ang mga tagreklamo kag ini pa lamang ang una nga tion nga ginkawatan sila.
