3 ka mga indibidawal, patay samtang 11 naman ang pilason sa pagpangluthang sa eskwelahan sa Tacloban City

3 patay, 11 pilason sa pagpangluthang sa eskwelahan sa syudad sang Tacloban

Indi magnubo sa tatlo ang patay samtang onse naman ang pilason matapos ang sunod-sunod nga pagpangluthang sa sulod sang San Jose National High School sa Barangay San Jose, Tacloban City, las 9:00 sang aga sang Lunes, Hunyo 22.

Gilayon naman nga nagresponder ang kapulisan agud masiguro ang safety sang mga estudyante, manunudlo, kag iban pa nga staff sang eskwelahan.

Suno sa mga otoridad, nadakpan sa lugar sang insidente ang isa sa mga suspetsado.

Samtang nagapadayon naman ang manhunt operation para sa isa pa ka suspek nga nakapalagyo.

Gindala sa mga ospital ang mga pilason para sa gilayon nga pagbulong.

Sa subong, wala pa sang identity ang kapulisan sang mga napatay kag mga pilason.

Padayon pa ang imbestigasyon agud mahibaluan ang bug-os nga sirkumstansya kag motibo sa likod sang insidente.

Nagpanawagan ang Tacloban City Police Office sa publiko nga magkooperar sa mga otoridad kag maghatag sang anuman nga impormasyon nga mahimo makabulig sa imbestigasyon.

Bilang paghalong, gindeploy man ang dugang nga mga kapulisan sa lugar agud mapabilin ang katawhay kag seguridad sa komunidad.

Samtang, ginpauntat naman ang klase sa San Jose National High School, San Jose Central School, kag Manlurip Elementary School kasunod sang pagpangluthang.