ROXAS CITY – Dakop sa akto ang 3 ka mga indibidwal, matapos nga nagapatigayon sang illegal nga pagpangisda ukon “TRAWL” sa kadagatan nga sakop sang Panay kahapon Hunyo 28.
Ginkilala ang mga nadakpan nga sanday JR Dela Cruz Boat Captain 37-anyos, kag mga crew sini nga sanday Johnmark Astoria 21-anyos kag Rowel Abuol 31-anyos lunsay mga residente sang Barangay Libas, Roxas City.
Nakuha sa mga ini ang 1 ka unit sang pump boat, 1 ka unit sang
4DR5 Diesel engine, fishing net kag indi masobra sa 15 kilos nga mga nagakalain-lain nga mga isda.
Kaso nga paglapas sa Municipal Ordinance No. 03-02 series of 2003 ang paga-atubangon sang mga nagkaladakpan.
Sa karun yara na sa paghinakup sang MENRO-Panay ang mga mga nadakpan kag nakumpiskar para sa nagakaigo nga disposisyon.
