ROXAS CITY – Dakop ang mga kawatan nga responsable sa pagpangawat sa ginarentahan nga hulot sang isa ka police officer sa banwa sang Pontevedra, Capiz.
Ginkilala ang nadakpan nga sanday Mark Jomel Balera kag Carlo Fuentes, lunsay mga residente sang banwa sang Panit-an.
Gintaban sang mga kawatan ang 9mm nga service firearm, magazine, cash nga P10,000 kag ang laptop ni Police. Lt. Roque Gimeno tumandok sang Molo, Iloilo, apang na-assign sa karon sa Pontevedra PNP.
Ba-se sa imbestigasyon sang Pontevedra Municipal Police Station nga wala nabatyagan sang nasambit nga pulis nga ginsulod na ang iya boarding house bangud mahamuok ang iya nga katulugon.
Nakibot na lamang ini nga sa iya pagbugtaw, nagaukay na ang iya mga kagamitan.
Natukiban nga nag-agi ang kawatan sa kaiping nga hulot sang pulis nga wala sang tawo.
Apang madasig man nga nadakpan ang mga suspek kun sa diin narekober sa ila posesyon ang nasambit nga armas sang pulis, sling bag kag laptop.
Una naman nga nadakpan ang isa sa tatlo ka mga suspek nga si Dominic Degala nga amo ang nagtudlo sa ginhamtangan sang iya duha ka mga upod.
