DUMARAO, PNP – Arestado ang tatlo ka mga persona matapos nga ginaalegar gin-motornap ang isa ka motorsiklo sa Poblacion Ilaya, Dumarao, Capiz.
Ginkilala ang mga tagreklamo nga sanday Bemar Hibaler, 22 anyos kag Kenneth Monserat, 20 anyos kag lunsay mga residente sang Barangay Codingle, Dumarao.
Base sa report nga samtang nagapamahaw sa isa ka burger stand ang mga tagreklamo sang hinali na lamang nga ginkursunadahan sila sang mga suspek nga sanday Lyndel Rey Bendol 27 anyos, Fredirick Bendol 31 anyos kag Cris Castro 30 anyos nga lunsay mga residente sang Barangay Taslan, Dumarao, Capiz.
Ginaalegar nga gintutukan sang armas luthang ni Castro si Monserat rason nga nakuha sang duha ka iban nga mga suspek ang motorsiklo nga ginasakyan sang mga biktima.
Sa karon, yara nasa kustodiya sang Dumarao PNP ang mga suspek matapos nga nadakpan sa ginpatigayon nga Hot Pursuit Operation sang mga kapulisan.
