-- ADVERTISEMENT --
ROXAS CITY – Dakop ang tatlo ka mga persona kalakip na ang BPAT Member matapos nga naglapas sa ginapatuman nga curfew sa Panitan, Capiz.
Ginkilala ang mga nadakpan nga sanday Arcel Almasor 25-anyos, Carlo Daniel 24-anyos kag Mario Devera 30-anyos kag isa ka BPAT Member.
Nahibaluan nga may yara sang nagpalab-ot sang impormasyon nga may yara sang nagpalupok sang armas luthang sa Barangay Balatucan sang amo nga banwa kun sa diin gilayon naman nga ginpadulongan sang mga kapulisan.
Bangud diri, nadakpan sa akto sang mga pulis nga nagatuga sang kinagamo ang tatlo ka mga persona.
Sa karon, nagapabilin na sa kustodiya sang Panitan PNP ang nasambit nga mga indibidwal kag natalana nga pasakaan sang nagakaigo nga mga panumbungon.
-- ADVERTISEMENT --
