3 ka mga persona nga nastranded sa ginabaha nga national higway sa banwa sang Panitan, na rescue

ROXAS CITY – Na rescue sang mga otoridad ang tatlo ka mga persona kalakip na ang 3-ka tuig nga bata matapos nga mastranded sa tunga sang ginabaha nga highway ang ginamaneho nga salakyan sa Sitio Danao, Brgy Agkilo banwa sang Panit-an.

Ginkilala ang mga biktima nga sanday Melchor Borres, 40-anyos, Joy Belo, 27-anyos kag 3-ka tuig nga bata nga lunsay residente sang Brgy. Lawaan Roxas City.

Sandig sa imbestigasyon sang Panitan MPS, samtang ginasubay sang Toyota Hilux nga salakyan ang ginabaha nga highway, hinali nga napatay ang makina kag wala na nag-andar rason nga nastranded ang mga ini.

Madasig naman nga ginrescue sang mga kapulisan ang mga biktima.