ROXAS CITY -Nadakpan na sang Pontevedra Muncipal Police Station ang tatlo ka mga ginaalegar suspetsado nga nagpang hold-up sa lending collector sa Barangay Binuntucan, Pontevedra, Capiz.
Ginkilala ang mga arestado nga sanday Rowel Agris, Ronnel Agris kag Jetley Sucgang nga lunsay mga residente sang Barangay Cabungahan, Maayon, Capiz.
Sa interview sang Bombo Radyo kay Police Major Christopher Candelario
nga may yara sang nagpalab-ut sang impormasyon sa mga kapulisan natuhoy sa description sang mga suspetsado kun sa diin positibo man nga gintudlo sang biktima nga si Ronaldo Alcazaren sang Barangay Navitas, Panay nga ang tatlo ka mga nagkaladakpan ang naghold-up sa iya.
Ginpahayag naman ni Candelario nga hugot ang pagpanginwala sang tatlo ka mga suspek nga sila ang responsable sa paghold-up sa biktima.
Sa karun nakahunong na sa karsel sang Pontevedra Municipal Police Station ang nasambit nga mga suspetsado.
