ROXAS CITY – Pilas ang naangkon sang tatlo ka mga persona, matapos ginapahayag nga pagbungguanay sang duha ka motorsiklo sa Legazpi Street, Roxas City .
Ginkilala ang mga nagkalapilasan nga sanday alyas Nognog 26-anyos kag angkas sini nga si alyas Ricky 41-anyos nga lunsay residente sang Barangay Cogon, sining syudad kag alyas Kim 19-anyos.
Sa inisyal nga impormasyon nga nakuha sang Bombo Radyo sa lugar, ginapahayag nga samtang ginasubay ni alyas Kim ang dalan padulong kun tani sa Barangay Banica agud magsugat sang iya abyan sang aksidente sini nga nabungguan ang motorisklo nga ginasakyan nanday alyas Nognog kag alyas Ricky nga nagikan sa Teodoro Arcenas Trade Center kag papauli na kaun tani sa ila lugar.
Bangud sa impact, nag-angkon ang mga ini sang pilas sa magkatuhay nga parte sang ila lawas nga madasig naman ginrespondihan sang katapo sang Roxas Emergency Response Team (RCERT agud dapatan sang pauna nga pagbulong antes ginpadangat sa malapit nga opsital.
