3 ka mga Pinoy, pilason sa pag-atake sa airport sang Saudi Arabia; 2 nagapabilin sa ICU

Tatlo ka mga Overseas Filipino Workers (OFWs) ang napilasan sa pag-atake sa Riyadh International Airport sa Saudi Arabia, kon sa diin duha diri ang nagapabilin sa intensive care unit ukon ICU.

Suno kay Department of Migrant Workers (DMW) Secretary Hans Leo Cacdac, wala pa sang narekord nga Pinoy nga napatay sa nasambit nga insidente.

Padayon ang monitoring sang DMW kag Overseas Workers Welfare Administration (OWWA) sa kahimtangan sang mga pilason nga mga Pinoy kag nagapakig-angot sa ila mga pamilya.

Suno sa report, indi magnubo sa 12 ang napatay kag masobra 300 ang pilason sa pag-atake sa airport.

Padayon nga nagalibot ang mga personnel sang DMW agud hibaluon kun may iban pa nga mga Pinoy nga napilasan sa insidente.