ROXAS CITY – Liwat naman nga ginsulod sang kawatan ang 3 ka mga puluy-an sa Sitio Bukid, Barangay Lacaron Dao, Capiz.
Sa interview sang Bombo Radyo sa pila ka mga residente nga ginkawatan, ginpahayag sini nga sadtong Domingo 1 ka manok ang nataban sang wala makilan-an nga makawat.
Apang wala pa ini nakuntento kag liwat nga nagbalik pagkagab-i sang Lunes kun sa diin ginwasak sini ang ila barbed wire.
Suno sa residente, antes pa ini una na sila nga ginkawatan sang 5 ka itik sadtong Mayo 11 sang gab-i kun sa diin besperas sa ila barangay.
Ginpahayag man sini nga naglahay man ang ila ido sang gab-i, apang wala sila nagdumdum nga ginsulod na sila sang makawat bangud wala man nagalibot sa ila balay ang paglahay sang ila agalon.
Dako ang ila pagpati nga indi lamang isa ka persona ang may kahimuan sang pagkinawatay kundi may yara sang grupo.
Bangud sini, ginpalab-ot na nila sa ila barangay ang angut sa natabo subong man sa Dao Municipal Police Station para sa nagakaigo nga imbestigasyon.
