3 ka mga sakayan pangisda nadakpan nga iligal nagapangisda

Tatlo ka mga sakayan pangisda ang nadakpan nga iligal nga nagapangisda sa kadagatan sang Pilar sa ginpatigayon nga seaborne patrol sang Pilar Municipal Police Station kag lokal nga gobyerno sa banwa sang Pilar.

Sakay sang tatlo ka mga sakayan pangisda ang siyam ka mga tripulante.

Narekober ang kapin sa 50 kilos nga nagkalain-lain nga mga isda.

Nahibaluan nga naglapas sa Municipal Ordinance No. 1 chapter 7 section 56 series of 1999 ang mga mangingisda.