ROXAS CITY-Nagpositibo sa coronavirus disease ukon COVID-19 ang tatlo ka mga indibidwal nga una na nga naka-close contact sa nagpositibo sa amo nga sakit sa banwa sang Jamindan, Capiz.
Base sa ginpaguwa nga official statement sang lokal nga gobyerno sang nasambit nga banwa, ang mga nagpositibo ang ginakalakipan sang 56-anyos nga babaye, 13-anyos nga lalaki kag 23-anyos nga lalaki nga lunsay mga residente sang Barangay Aglibacao sang nasambit nga banwa.
Ang mga nagpositibo ang lunsay mga Asymptomatic ukon wala sang may nabatyagan nga sintomas sang amo nga balatian.
Mahibaluan, nga ginpaidalom sa Enhanced Community Quarantine ukon ECQ ang compound kun sa diin nagaistar ang tatlo ka mga nagpositibo matapos nga una na nagpositibo sa amo nga sakit ang isa ka miyembro sang ila pamilya.
Samtang, padayon naman ang ginapatigayon nga contact tracing sa mga indibibwal nga naka-close contact sa tatlo ka mga nagpositibo agud malikawan ang paglapta sang virus.
Padayon man nga ginabantayan sang Barangay Health Emergency Response Team (BHERTs) ang compound kun sa diin nagapuyo ang mga nagpositibo.
Sa karon yara na sa isolation facility sa siyudad ang tatlo ka mga nagpositibo agud ipaidalom sa quarantine
