Narekober ang tatlo tanan ka mga motorsiklo sa Premier de Mayo Street, sining syudad nga ginaalegar nga ginpangkawat sang damlag lang.
Sa interview sang Bombo Radyo kay PCMS Ramin Arcangeles, tagpamaba sang Roxas City PNP, natigayon nga na-recover sang ila talatapan ang amu nga mga motorsiklo, pamaagi sa pag-verify kaupod ang isa ka tag-iya sang isa man ka motorsiklo.
Dugang pa, madasig nga nakapalagyo ang mga persona nga ginapahayag suspek sa pagpang-chop-chop sang amu nga mga motorsiklo samtang padulong ang mga ini sa area.
Mahibaluan, nga nakilan-an na ang identity sang amo nga mga suspek kag ginapahayag apat ini sila kabilog kag lunsay mga lalaki.
Sa karon, ginahulat nalang ang desisyon sang tag-iya sang isa ka motorsiklo sa mangin aksyon sini natuhoy sa natabo nga insidente samtang, nagapabilin naman nga at large ang mga suspek.
